ತಮಿಳು ಸಿನಿಮಾದ ನಟಿ ಜ್ಯೋತಿಕಾ(Tamil Actress Jyothika ) ಮತ್ತು ಸಿಂಗಂ ಸೂರ್ಯ (Singam Suriya)ಜೋಡಿ ಪ್ರಸಿದ್ಧ ಹಾಗೂ ಸಂತೋಷವಾಗಿರುವ ಜೋಡಿ. ಇವರಿಬ್ಬರೂ ಪ್ರೇಮಿಸಿ ಮನೆಯ ಒಪ್ಪಿಗೆಯ ಮೇರೆಗೆ ಸಪ್ತಪದಿ(Love Marriage) ತುಳಿದರು. ಸಿನಿಮಾ ಇಂಡಸ್ಟ್ರಿ(Cinema Industry)ಯಲ್ಲಿ ಪ್ರೀತಿಸಿ ಮದುವೆಯಾದ ಜೋಡಿ ಬಹಳ ವರ್ಷ ಜೊತೆಯಾಗಿ ಬಾಳುವುದು ಕಡಿಮೆ. ಆದರೆ ಇವರು ಆದರ್ಶ ದಂಪತಿಯಾಗಿದ್ದು ದಿಯಾ(Dia) ಮತ್ತು ದೇವ್(Dev) ಎಂಬ ತಮ್ಮ ಮಕ್ಕಳ ಜೊತೆ ಖುಷಿ ಖುಷಿಯಾಗಿ ಜೀವನ ಸಾಗಿಸುತ್ತಿದ್ದಾರೆ. ಜೀವನ ಮಾತ್ರವಲ್ಲ ವೃತ್ತಿ ಜೀವನದಲ್ಲೂ ಸರಿಸಮಾನವಾಗಿ ತೊಡಗಿಸಿಕೊಂಡಿದ್ದಾರೆ. ಇವರದ್ದೇ ಸೂರ್ಯ ಮತ್ತು ಜ್ಯೋತಿಕಾ 2ಡಿ ಎಂಟರ್‌ಟೈನ್‌ಮೆಂಟ್(Suriya and Jyothika 2D Entertainment) ಎಂಬ ನಿರ್ಮಾಣ ಸಂಸ್ಥೆಯ ಮೂಲಕ ಸಿನಿಮಾಗಳ ನಿರ್ಮಾಣಕ್ಕೂ ಹೆಜ್ಜೆ ಇಟ್ಟಿದ್ದಾರೆ.
ಓಟಿಟಿಯಲ್ಲಿ ರಿಲೀಸ್ ಆದ ಜೈ ಭೀಮ್
‘36 ವಯಿನಿದಿಲೆ‘ ಸಿನಿಮಾ ಮೂಲಕ ಜ್ಯೋತಿಕಾ ಪುನಃ ಸಿನಿಮಾ ಜರ್ನಿ ಅರಂಭಿಸಿದ್ದು ಇತ್ತೀಚೆಗೆ ಒಟಿಟಿ ಫ್ಲಾರ್ಟ್‍ಫಾಮ್‍ನಲ್ಲಿ ಅವರ ಅಭಿನಯದ ಉದನ್‍ಪಿರಪ್ಪೆ ಸಿನಿಮಾ ಬಿಡುಗಡೆಯಾಗಿದೆ. ಸೂರ್ಯ ಮತ್ತು ಜ್ಯೋತಿಕಾ ಅವರ 2ಡಿ ಎಂಟರ್‌ಟೈನ್‌ಮೆಂಟ್ ಈ ಸಿನಿಮಾ ನಿರ್ಮಾಣ ಮಾಡಿತ್ತು. ಇದೀಗ ಸೂರ್ಯ ಅಭಿನಯದ ಜೈ ಭೀಮ್ ಸಿನಿಮಾ ಕೂಡ ಒಟಿಟಿ ಫ್ಲಾರ್ಟ್‍ಫಾಮ್‍ನಲ್ಲಿ ಬಿಡುಗಡೆಗೊಂಡಿದೆ.
ಇರುಲಾ ಬುಡಕಟ್ಟು ಜನಾಂಗದ ಅಭಿವೃದ್ಧಿಗೆ 1 ಕೋಟಿ ರೂ. ನೀಡಿದ ದಂಪತಿ
ಇದೀಗ ಈ ಸ್ಟಾರ್ ದಂಪತಿ ಇರುಲಾ ಎಂಬ ಬುಡಕಟ್ಟು ಜನಾಂಗದ ಅಭಿವೃದ್ಧಿಗಾಗಿ ಒಂದು ಕೋಟಿ ಹಣದ ಚೆಕ್ ಅನ್ನು ತಮಿಳುನಾಡು ಮುಖ್ಯಮಂತ್ರಿ ಎಂ.ಕೆ ಸ್ಟಾಲಿನ್‍ಗೆ ನೀಡಿದ್ದಾರೆ. ನಿವೃತ್ತಿ ನ್ಯಾಯಾಧೀಶ ಕೆ. ಚಂದ್ರು ಮತ್ತು ಪಜನ್‍ಕುಡಿ ಬುಡಕಟ್ಟು ಜನಾಂಗದ ಸದಸ್ಯರು ಮುಖ್ಯಮಂತ್ರಿ ಸ್ಟಾಲಿನ್‍ ಅವರಿಂದ ಚೆಕ್ ಪಡೆದುಕೊಂಡಿದ್ದಾರೆ.
