ಡೇಟಿಂಗ್ ಆ್ಯಪ್(Dating apps)ಗಳು ಕಳೆದ ಕೆಲವು ವರ್ಷಗಳಿಂದ ಸಂಬಂಧಗಳ(Relationship) ರೂಪುರೇಷೆಗಳನ್ನೇ ಬದಲಾಯಿಸಿಬಿಟ್ಟಿವೆ. ಇವತ್ತಿಗೂ ಬಹಳಷ್ಟು ಮಂದಿ , ಸ್ನೇಹಿತ(Friends)ರ ಅಥವಾ ಕುಟುಂಬದ(Family)ವರ ಮೂಲಕ ಪರಸ್ಪರ ಪರಿಚಯವಾದ ಬಳಿಕ ಡೇಟಿಂಗ್ ಹೋಗುವ ಹಳೆಯ ಶೈಲಿಗೆ ಆದ್ಯತೆ ನೀಡುತ್ತಿದ್ದಾರೆ. ಆದರೂ ಈ ಮಧ್ಯೆ ಅಪ್ಲಿಕೇಶನ್‍ಗಳು(Applications) ಮತ್ತು ವೆಬ್‍ಸೈಟ್‍ಗಳು(Websites) ಡೇಟಿಂಗ್ ಶೈಲಿ(Dating Style)ಯನ್ನು ಸಂಪೂರ್ಣವಾಗಿ ಬದಲಾಯಿಸಿಬಿಟ್ಟಿದ್ದು, ಮರು ವ್ಯಾಖ್ಯಾನ ಮಾಡಿವೆ. ಈ ಫಾಸ್ಟ್ಫುಡ್(Fast-food) ಜಮಾನದಲ್ಲಿ ಈಗಿನ ಯುವಕ-ಯುವತಿಯರು ಫಾಸ್ಟ್ ಆಗಿ ಕೆಲಸ ಮಾಡುತ್ತಾರೆ.
ಒಬ್ಬ ಹುಡುಗ ಮತ್ತು ಹುಡುಗಿ , ಫೋನ್‍ ಮೂಲಕ ಕೆಲವೇ ಸೆಕೆಂಡುಗಳಲ್ಲಿ ಪರಿಚಿತರಾಗುತ್ತಾರೆ. ಒಂದು ವೇಳೆ ಒಬ್ಬರಿಗೊಬ್ಬರು ‘ಮ್ಯಾಚ್’ ಆಗುತ್ತಾರೆ ಎಂದಾದರೆ, ಇಬ್ಬರೂ ಡೇಟ್‍ಗೆ ಹೋಗುತ್ತಾರೆ, ಮಾತ್ರವಲ್ಲ ಬಯಸಿದರೆ ಮದುವೆ(Marriage) ಕೂಡ ಆಗಿ ಸುಖವಾಗಿ ಬದುಕುವುದೂ ಕೂಡ ಈ ಡೇಟಿಂಗ್ ಆ್ಯಪ್ಗಳಿಂದ ಸಾಧ್ಯವಿದೆ.ಆದರೆ ಇಂತಹ ಡೇಂಟಿಗ್ ವೆಬ್ಸೈಟ್ ಮೇಲೆ ಕೇಸ್(Case) ಹಾಕಲು ಯುವಕನೊಬ್ಬ ನಿರ್ಧರಿಸಿದ್ದಾನೆ. ಅದು ಯಾಕೆ ಅಂತೀರಾ? ಮುಂದೆ ಓದಿ..
ಮಹಿಳೆಯರ ಕೊರತೆಯಿದೆ ಎಂಬ ಆರೋಪ
ಹೌದು, ಅಮೆರಿಕದ ಡೆನ್ವರ್ ಮೂಲದ ಡೇಟಿಂಗ್ ವೆಬ್ಸೈಟ್ ಒಂದರ ಡಾಟಾ ಬೇಸ್‍ನಲ್ಲಿ ಮಹಿಳೆಯರ ಕೊರತೆ ಇದೆ ಎಂದು ಆರೋಪಿಸಿ, ವ್ಯಕ್ತಿಯೊಬ್ಬರು ಆ ವೆಬ್‍ಸೈಟ್‍ನ ಮೇಲೆ ಮೊಕದ್ದಮೆ ಹೂಡಲು ನಿರ್ಧರಿಸಿದ್ದಾರೆ. ಡೆನ್ವರ್ ಪೋಸ್ಟ್ ವರದಿಯ ಪ್ರಕಾರ, ವೆಬ್‍ಸೈಟ್‍ನಲ್ಲಿ ಕೆಲವೇ ಮಹಿಳೆಯರು ಇದ್ದಾರೆ ಎಂದು ಆರೋಪಿಸಿ ಗ್ರಾಹಕರೊಬ್ಬರು ಮೊಕದ್ದಮೆ ಹೂಡಿದ್ದಾರೆ. ಆ ಮೊಕದ್ದಮೆಯಲ್ಲಿ, 29 ವರ್ಷದ ಇಯಾನ್ ಕ್ರಾಸ್ ಎಂಬಾತ, ಡೆನ್ವರ್ ಡೇಟಿಂಗ್ ಕೋ. ನಡೆಸುತ್ತಿರುವ ಹೆಚ್‍ಎಮ್‍ಝೆಡ್ ಗ್ರೂಪ್ ತನ್ನ ಡಾಟಾಬೇಸ್‍ನ ನಿಜವಾದ ಸ್ವರೂಪವನ್ನು ತೋರುತ್ತಿದ್ದಾರೆ ಎಂದು ಆರೋಪಿಸಿದ್ದಾರೆ.
